(Davis, CA, USA — 23 d'agosto de 2014) L'equipo de desenrolladors d'o Tux Paint se fa contento de presentar-tos a versión 0.9.22 d'o Tux Paint, o reconoixiu programa de dibuixo de codigo ubierto pa ninos.
Gracias a l'esfuerzo de bells 170 contribuirdors de tot o mundo o Tux Paint 0.9.22 ofreix 14 nuevas ferramientas machicas, 40 nuevas imachens d'inicio, bells 200 nuevos siellos, suporte pa imachens SVG y KidPix y una ferramienta de texto amillorada. Tamién ofreix milloras d'accesibilidat, incluyindo control d'o puntero por teclau y joystick y un teclau en pantalla.
O Tux Paint siempre s'ha beneficiau de l'esfuerzo de voluntarios de tot arreu d'o mundo pa la localización. A versión 0.9.22 no en ye garra excepción y incorpora 30 nuevas traduccions: seis d'Europa (aragonés, bosnio, luxemburgués, catalán valenciano, serbio y veneciano), mas d'una dotzena d'o subcontinent indio (Assamés, kannada, konkani, maithili, malayalam, manipuri, marathi, nepalí, odia, panchabí, sanscrito, santali y sinhala), nueu d'Africa (Acolli, akan, amharico, bambara, fula, kiga, luganda, sotho del nord y zulú), y tamién armenio, persa, sundanés y l'inuktituk parlau por os inuit de Canadá. Tamién s'han esviellau muitos d'as atros 90 idiomas que ya yeran suportaus.
Podetz descargar o Tux Paint de gratis en a pachina web d'o prochecto, en www.tuxpaint.org.
A versión 0.9.22 ye disponible actualment pa Microsoft Windows, Red Hat Linux, Fedora Linux, y como a codigo fuent. En breu tamién pa Apple Mac OS X, Debian Linux, y Ubuntu.Pa una lista mas completa de cambios, se veiga Tux Paint change log, Tux Paint Config. change log, y Tux Paint Stamps change log.
Pa mas información, se puede visitar www.tuxpaint.org. Si quiers contribuyir en o prochecto, visita: www.tuxpaint.org/help.
###
|
America d'o Norte |
America d'o Sud |
|
Europa Pere Pujal i Carabantes |
Marcas rechistradas: Linux ye una marca rechistrada de Linus Torvalds. Apple y Mac OS X son marcas rechistradas de Apple Computer, Inc. Microsoft y Windows son marcas rechistradas de Microsoft Corp. Red Hat ye una marca rechistrada de Red Hat, Inc. KidPix ye una marca rechistrada de The Software MacKiev Company.
Nota de prensa de: Bill Kendrick, Melissa Hardenbrook, Larry Cafiero, y Juan Pablo Martínez Cortés.
URL d'ista nota de prensa: http://www.tuxpaint.org/latest/tuxpaint-0.9.22-press-release-an.php