Datganiad i'r Wasg: 12 Hydref 2004 - Cyhoeddi Tux Paint 0.9.14

12 Hydref 2004 (Y Rhyngrwyd) - Mae New Breed Software yn falch o gyhoeddi Tux Paint 0.9.14. Dyma'r rhyddhad mawr cyntaf eleni o'r meddalwedd celf gwych yma ar gyfer plant. Dros y naw mis diwethaf, gwnaed llawer o waith i wella Tux Paint ac ychwanegu'r nodweddion a ofynnwyd amdanynt gan athrawon a rhieni.

Mae Tux Paint 0.9.14 yn cyflwyno nodweddion newydd fel offer ffurfweddu haws eu defnyddio i rieni ac athrawon, a modd llyfr lliwio aml-haen. Mae'r ffaith bod Tux Paint ar gael ar hyn o bryd mewn 45 iaith gwahanol yn adlewyrchu ei ganolbwynt rhyngwladol, efo criw o gyfrannwyr o wledydd gwahanol.

Crynodeb o'r Uchafbwyntiau

Nodweddion Newydd

Bydd defnyddwyr Mac OS X a Windows yn falch o weld Tux Paint Config, teclyn syml graffegol sy'n gadael i rieni ac athrawon addasu gosodiadau Tux Paint heb orfod golygu ffeil ffurfweddiad â llaw. (Sgrinlun)
Mae Tux Paint hefyd yn cynnal amlinellau llyfr lliwio sy'n gorhaenu'r lluniadau. (Sgrinlun) Mae delweddau 'cam cyntaf' efo dwy haen yn rhoi twyll dyfnder gan ddarparu gorhaen gefndir a flaendir. (Sgrinlun)

Gwelliannau

Mae'r teclyn ‘Rwbiwr’ yn cynnig nifer o feintiau.
Mae ffeil glo yn atal copiau lluosol rhag rhedeg wrth i blant ifainc glicio'r eicon Tux Paint yn rhy awyddus.
Mae lliwiadu (arlliwio) delweddau 'Stampiau' wedi'i wella.

Cefnogaeth Aml-ieithyddol Gwell

Cynhelir 11 o ieithoedd newydd, yn dod â'r cyfanswm i 46, a diweddariwyd bron pob un o'r hen gyfieithiadau. Yr ieithoedd newydd yw: Africaneg, Belarwseg, Llydaweg, Bulgareg, Croateg, Hindi, Serbeg, Slofeneg, Tseineeg Traddodiadol, Fietnameg, a Cymraeg.
Cynhelir cyfieithiadau o'r casgliad delweddau 'Stampiau' gan ddefnyddio'r offer safonol gettext.

'Stampiau' Newydd

Mae'r stampiau wedi'u gwella, a nifer o rai neywdd wedi'u hychwanegu: ceir, darnau pres Canada, y Pasg, tân gwyllt, ffrwythau, Nos Calan Gaeaf, creaduriaid y môr.

Namau a Drwsiwyd

Mae nifer o namau mawr a bach wedi'u trwsio.

Cael Tux Paint 0.9.14

Gellir lawrlwytho Tux Paint 0.9.14 dros y Rhyngrwyd gan fynd i http://www.newbreedsoftware.com/tuxpaint/download/. Mae côd tarddiad a phecynnau deuaidd ar gyfer nifer o ddosbarthiadau Linux ac Microsoft Windows ar gael.

Mae Tux Paint ar gael am ddim, ac mae'r côd tarddiad, y gelfyddyd a'r ddogfennaeth i gyd ar gael yn rhydd dan drwydded Côd Agored.

Cefnogi Tux Paint

Cefnogir Tux Paint drwy gyfraniadau gwirfoddol o amser ac adnoddau gan unigolion ledled y byd. I ddarganfod sut y gallwch chi neu eich mudiad ymuno â ni a helpu cefnogi Tux Paint, ewch i'r dudalen we Helpu Tux Paint.

Hysbysiadau Nodau Masnach: Nod masnach cofrestredig Linus Torvalds yw Linux. Nodau masnach Apple Computer, Inc yw Apple a Mac OS X. Nodau masnach Microsoft Corp yw Microsoft a Windows.

Cyhoeddi Tux Paint 0.9.14

New Breed Software yn Rhyddhau Fersiwn Gorau Byth o'r Meddalwedd Celf Côd Agored ar gyfer Plant